Nga komunat në veri, Zveçani del si komuna me përqindjen më të lartë të pjesëmarrjes në votime.
Sipas të dhënave të përditësuara të KQZ-së deri në orën 15:00, në Zveçan kanë votuar 43.59 për qind ose 3,140 qytetarë.
Kjo pasohet nga Leposaviqi me 42.18 për qind ose 5853 votues dhe Zubin Potoku me 31.35 për qind ose 2145.
Ndërkaq, Mitrovica e Veriut, e cila ka më së shumti votues të regjistruar – 18,781, kanë votuar vetëm 4.45 për qind ose 836 vetë.
Kurse nga komunat serbe në jug prin Ranillugu me 47.09 për qind ose 2387.
