Pas takimit bilateral mes Përfaqësuesit të Lartë të BE-së për Politikë të Jashtme dhe Siguri, Josep Borrel dhe Presidentit të Serbisë, Aleksandar Vuçiq, ky i fundit lëshoi një postim në “Faceboo” ku u shpreh se ka “ngulur këmbë” në formimin e Asociacionit të Komunave të banuara me shumicë serbe dhe se Serbia “është e gatshme për që të kërkojë zgjidhje kompromisi”.
“Sot u takova me Josep Borelja dhe Miroslav Lajçajun, dhe gjatë bisedës theksova përkushtimin e plotë të Beogradit për vazhdimin e dialogut dhe zgjidhjen ekskluzivisht paqësore të problemeve. Veçanërisht kam insistuar në formimin e Bashkësisë së Komunave Serbe dhe kam vënë në dukje të gjitha lëvizjet e njëanshme të Aljbin Kurtit dhe pozitën e vështirë të serbëve në Kosovë”, ka shkruar Vuçiq.
“E ritheksova përkushtimin dhe vullnetin për të marrë pjesë në kërkimin e një zgjidhjeje komprometuese për të mbrojtur popullin serb dhe për të normalizuar marrëdhëniet dhe shtova se Prishtina nuk është në gjendje të përmbushë atë që ka nënshkruar 11 vjet më parë, që është formimi i Bashkësisë së Komunave Serbe”, ka shkruar më tej ai.
