Drejtori i Përgjithshëm i Policisë së Kosovës, Gazmend Hoxha, ka treguar se institucioni që drejton është duke i marrë të gjitha veprimet e mundshme për të zbardhur vrasjen e policit Muhamet Lika, e cila ka ndodhur të martën.
Në një prononcim për Tëvë1, ai ka thënë se policia ka intervistuar disa persona për këtë çështje, transmeton Gazeta Papirus.
Sipas tij, po punohet në ekzaminimin e dëshmive.
“Është një rast shumë i rëndë që ka ndodhur para dy netësh. Policia ka dal menjëherë në vendin e ngjarjes… ka intervistuar disa persona si dëshmitare të mundshëm. Po punohet në ekzaminimin e dëshmive në pjesën teknike… Akoma nuk kemi arrit me verifiku se a ka ndonjë ndërlidhje mes rastit të vrasjes dhe problem të mëhershme”, ka deklaruar Hoxha.
