Shkalla e Apelit e Dhomave të Specializuara për Kosovën ende nuk ka marr ndonjë vendim në rastin e ish-komandantit të UÇK-së, Sali Mustafa.
Por, ky institucion ka bërë të ditur për televizionin se ka caktuar trupin gjykues dhe së shpejti mund të ketë shqyrtim të rastit. Supremja i kërkoi ta rishqyrtonte vendimin dhe të merrte parasysh kërkesën për ulje të dënimit prej 22 vjetësh burgim.
Para një muaji Gjykata Supreme e Dhomave të Specializuara të Kosovës ia anuloi ish-komandantit të UÇK-së, Sali Musafa pjesën e vendimin që kishte të bënte me lartësinë e dënimit prej 22 vjetësh burgim.
Rrjedhimisht e ka kthyer përsëri këtë çështje tek Apeli për ta shqyrtuar uljen e dënimit.
Lëvizja e radhës, ka qenë caktimi i panelit që do ta shqyrtojë këtë rast.
“Më 31 korrik, Kryetarja Trendafilova caktoi Panelin e Gjykatës së Apelit të përbërë prej gjykatësve Mishelë Pikar, Kai Ambos dhe Nina Jorgensen, për përcaktimin e ri të dënimit të z. Mustafa.Aktualisht, çështja ndodhet para Panelit të Apelit dhe ende nuk nuk është caktuar asnjë seancë. Nëse caktohet ndonjë seancë publike, ajo do të shpallet në faqen e internetit të DHSK-së,” thuhet nga Gjykata Speciale.
Ndërkohë, sipas avokatit të akredituar në Gjykatën Speciale, Taulant Hodaj kjo ka ndodhur për shkak se Gjykata ishte në pushim.
“Puna e afateve mendoj që është në kuadër të rregulloreve edhe pse nuk ka afate strikte se kur duhet të shqyrtohet por është cështje vetëm e lartësisë së dënimit kështu që nuk do i duhet shumë kohë dhomës së apelit që ta shqyrtoj dhe të marr një vendim por për shkak të pushimit që patën pastaj kur të fillojnë besoj që brenda një viti do të merret një vendim,” tha Hodaj.
E një avokat tjetër po thotë se ky hap i Gjykatës Supreme do të hap rrugë edhe për personat e tjerë në Hagë.
