Komisioni Europian dje ka prezantuar raportin e pestë mbi monitorimin e regjimit pa viza nga Bashkimi Europian me vendet e Ballkanit Perëndimor ku në një pjesë të tij kishte vërejtje për Maqedoninë e Veriut dhe Malit të Zi që lejon të hyjë qytetarë nga vende të treta pa viza, përfshirë edhe kosovarët.
Por, një ditë më pas Komisioni Europian pranoi se në në këtë raport gabimisht ka vendosur Kosovën në këtë listë shtetesh.
Në një konferencë për media, zëdhënësi i Komisionit Evropian, Eric Mamer, tha se ky ishte një gabim dhe se nuk kanë lëvizur nga qëndrimi që kanë për liberalizimin e vizave për Kosovën.
“Mund të konfirmoj se nuk ka absolutisht asnjë ndryshim në qëndrimet e Komisionit Evropian, dhe ne absolutisht mbështesim lirinë e lëvizjes në rajon”, tha ai, derisa u paralajmërua se në raportin e ri kjo gjë do të shmanget.
Për këtë, shefi i Presidencës, Blerim Vela, po ia lë meritat presidentes së Kosovës, Vjosa Osmani.
Ai tha se ky përmirësim erdhi pas bisedës që Osmani zhvilloi me presidenten e Komisionit Europian Ursula von der Leyen.
“Pas bisedës së sotme të Presidentes Vjosa Osmani me Presidenten e Komisionit Evropian Ursula von der Leyen gjatë samitit BE-Ballkani Perëndimor në Tiranë”, ka shkruar Vela, duke shpërndarë një lajm për zotimin e KE-së se do të përmirësojë këtë.
