Policia e Kosovës njofton se ka ndalur një person pasi ishte duke kontrabanduar me kamion pesë krerë kafshë nga Maqedonia e Veriut në Kosovë.
Siç njofton policia, rasti ka ndodhur në fshatin Kabash të Vitisë që është afër vijës kufitare me Republikën e Maqedonisë së Veriut.
I dyshuari voziste kamion të tipit Mercedes pa targa të regjistrimit.
“I dyshuari është identifikuar nga Policia me të dhënat (inicialet B.B, viti i lindjes 1982) nga një fshat i Vitisë”.
“Veprimet policore janë koordinuar me prokurorin e shtetit, Doganën e Kosovës dhe AUV-in për procedura të mëtejme”, thuhet në komunikatë.
