Mosmarrëveshja për pronë ka shkaktuar një përleshje mes disa personave në Dobërdol të Podujevës. Zënka eskaloi edhe në kërcënime, për çka një person përfundoi në prangat e Policisë.
Sinjali mëson se rasti u raportua në stacion policor nga viktima e këtij rasti, i cili ka deklaruar se është sulmuar fizikisht nga K.G. për shkak të një kontesti pronësor.
Sipas burimeve të Sinjalit, pasi viktima u sulmua, nipi i tij, V.G., në shenjë hakmarrjeje, e ka kërcënuar të dyshuarin K.G.
Pas raportimit të rastit, Policia është vënë në lëvizje dhe ka arrestuar të dyshuarin e këtij rasti, i cili është dërguar në mbajtje, me urdhër të prokurorit.
