Ish-deputeti i Lëvizjes Vetëvendosje, njëherë një prej themeluesve të Ushtrisë Çlirimtare të Kosovës, Rexhep Selimi, i cili aktualisht gjendet në paraburgim në Gjykatën Speciale në Hagë, sot e ka ditëlindjen.
Selimi sot ka mbushur 51 vjet, shkruan Demokracia.com.
Ai u urua nga shumë figura të politikës kosovare, por jo edhe nga kreu i LVV-së, Albin Kurti, tash kryeministër i Kosovës.
Selimit ditëlindjen ia uroi publikisht bashkëshortja e tij, Shqipe Selimi, e cila është deputete në Kuvendin e Kosovës.
“Urime Rexhë”, shkroi ajo, duke e postuar një fotografi të tij i veshur me uniformën e UÇK-së.
Ditëlindjen e Rexhep Selimit nuk e harroi as deputetja e Partisë Demokratike të Kosovës, Ganimete Musliu.
“Urime ditëlindjen Rexhep Selimi!”, ka shkruar sot Musliu.
Ajo urimin e ka shoqëruar edhe me një fotografi bashkë me të në një nga mbledhjet e një komisioni të Kuvendit.
Pa e uruar nuk e la as miku i tij nga Aleanca për Ardhmërinë e Kosovës, Daut Haradinaj.
“Urime ditëlindjen Rexhë! Shpresoj që ditëlindjen tjetër ta festosh në Kosovë, me familjarë e miq!”, ka shkruar Haradinaj.
Megjithatë, po vazhdon ende të mungojë urimi i kryeministrit Kurti.
