Që nga mbrëmja e kaluar, zhvillimet dramatike në Siri nuk janë ndalur, rebelët sirianë kanë pushtuar edhe pallatin presidencial të Bashar al-Assad në Damask, ndërsa shpallin Sirinë si “të lirë” pas një kolapsi të papritur të regjimit të tij të përgjakshëm.
Në një akt simbolik të fuqishëm të tyre, sipas pamjeve të Daily Mail, rebelët kanë rrëzuar statujat e udhëheqësit të dëbuar dhe kanë nisur kërkimin për “tiranin” pas largimit të tij gjatë rënies së shpejtë të regjimit.
Ky moment shënon një fazë të re në luftën civile siriane, ndërsa populli i Sirisë feston fitoren e dukshme kundër udhëheqësit që ka sunduar me dhunë dhe represion për më shumë se një dekadë.
