Është përuruar sot rruga Gjilan-Bujanoc.
Këtë e ka bërë të ditur ministri i Infrastrukturës, Liburn Aliu, i cili shton se ky projekt kapi vlerën e 3 milionë eurove, transmeton Gazeta Papirus.
“Sot, së bashku me kryetarin e Gjilanit z. Alban Hyseni, zëvendësministrin Hysen Durmishi dhe bashkëpunëtorë, përuruam rrugën Gjilan-Bujanoc në kuadër të projektit të zgjerimit të daljes nga qyteti i Gjilanit. Kjo rrugë është e një rëndësie të veçantë për qytetarët e Komunës së Gjilanit dhe jo vetëm. Projekti në vlerë prej 3 milionë eurosh përveç rrugës me gjatësi 2900m me katër korsi përfshinë edhe shirit të biciklistëve, trotuar në të dyja anët, kanalizim kabllor, fekal e atmosferik, ndriçim në mes dhe sinjalizim”, ka shkruar ministri në Facebook.
