Bosnje Hercegovina ka shpallur gjendjen e jashtëzakonshme si pasojë e përmbytjeve në disa rajone për shkak të motit të keq që ka përfshirë disa vende të Ballkanit. Probleme dhe në Kroaci e Serbi.
Këto pamje tregojnë pasojat e përmbytjeve në Bosnje Hercegovinë pas daljes nga shtrati të lumejve Una dhe Kushnica.
Ndërsa këto pamje vijnë nga Kroacia.
Në komunat Novi Grad, Kostajnica, Bosanska, Krupa dhe Bihaq në Bosnje është shpallur gjendja e jashtëzakonshme
Më shumë se 200 shtëpi u përmbytën në qytetin verior të Bosanska Krupa!
Në Komunën e Novi Gradit ashtu sikurse në Obrovac të Kroacisë.
Disa zona kanë mbeture pa energji elektrike; ka pasur evakuime të banorëve, ndërsa shkalla e dëmeve nuk dihet.
Në Kroaci, rreth 300 trupa ushtarake janë mobilizuar për t’iu ardhur në ndihmë njerëzve në nevojë, me ekipet që po shpërndajnë edhe ushqime te qytetarët e bllokuar.
Kryeministri kroat, Andrej Plenoviç ka bërë të ditur se qeveria do të ndajë fonde për të ndihmuar personat e prekur nga vërshimet.
Të dhënat tregojnë se 10-40 milimetra shi ka rënë në Kroaci në vetëm 24 orët e fundit.
Moti i keq ka përfshirë edhe disa qytete në Serbi, duke shkaktuar problematika!
Shqipëria ndërkohë është karakterizuar nga vranësira që gjenerojnë shira të dobët dhe lokalë, kryesisht në zonat malore përgjatë kufirit Lindor.
