Dy reperët e shumë pëlqyer të skenës shqiptare, Capital T dhe Majk, e kanë publikuar bashkëpunimin e tyre muzikor që e kanë shoqëruar me videoklip.
Kënga titullohet “Pasha jetën” dhe padyshim se do të pëlqehet nga fansat e shumtë të dy reperëve.
Ky projekt është realizuar nën drejtimin e Elena Kelmendit dhe Trim Ademit.
Muzikën e ka bërë producenti Cricket, ndërkohë që tekstin e kanë shkruar dy protagonistët.
Miksimi dhe masterizimi është bërë nga Avaxus, derisa ana vizuale i është besuar produksionit Imagine Films.
Projekti i përbashkët i Kastriot Rexhës me Kapon ishte paralajmëruar më herët dhe ky lajm ishte pritur shumë mirë nga fansat e tyre.
Dy reperët kanë bashkëpunuar në të kaluarën në këngën me titull “Asnjoni”. Kënga ishte publikuar në vitin 2012 dhe po ashtu ishte realizuar me videoklip.
