Policia e Kosovës ka arrestuar dy persona të dyshuar për posedim dhe shpërndarje të paautorizuar të substancave narkotike në rrugën “Mujo Ulqinaku” në Prizren.
Operacioni policor u zhvillua mbrëmjen e së shtunës rreth orës 21:23, ku gjatë kontrollit fizik ndaj njërit nga të dyshuarit u zbuluan dhe konfiskuan dy doza të substancës narkotike të dyshuar si marihuanë.
Pas intervistimit nga policia dhe me urdhër të prokurorit kujdestar, njëri nga të dyshuarit është dërguar në paraburgim, ndërsa tjetri është liruar për t’u proceduar në mënyrë të rregullt.
