Presidenti francez Emmanuel Macron mbërriti në katedralen e famshme e tashmë të rindërtuar të Notre Dame së bashku me një ekip televiziv për t`i treguar botës restaurimin e plotë të saj pesë vjet e gjysmë pas shkatërrimit të saj nga zjarri.
Katedralja pritet të hapet në 7 dhjetor, atëherë, vizitorët do të mund të shohin nga afër përpjekjet e mëdha të bëra për ta rikthyer atë që konsiderohet si një nga monumentet më simbolike dhe më të vjetra të Parisit sa më pranë gjendjes fillestare.
Shumë francezë e pritën me lot në sy momentin e rëndë kur flakët pushtuan dhe rrëzuan kullën e lartë të strukturës së njohur në të gjithë botën.
Më rindërtimin ambicioz u synua rikthimi i veprës historike arkitekturore katolike romake në gjendje fillestare, një vendim i mbështetur edhe nga turistët që vazhdojnë të vijnë ta shohin atë nga jashtë.
