“Do ta ndihmojmë Serbinë ta kalojë bllokadën” – kështu është deklaruar njeriu i afërt i Putinit, Anatoly Wasserman duke folur kundër SHBA-së për të cilat thotë se janë sponsor kryesor i terrorizmit në botë.
Përfaqësuesi në Dumën Ruse, Anatoly Wasserman, një anëtar i partisë “Rusia e drejtë” që bashkëpunon me “Rusinë e Bashkuar” të Putinit, foli në televizionin rus për qëllimet e Kremlinit në luftë, si dhe në nivel global.
Në një pjesë të fjalimit ai ka përmendur Serbinë.
Anatoly Wasserman, Russian MP: Russia's main goal is the liquidation of Ukraine.
He is also concerned about Serbia being on a "blockade" by NATO countries and suggests Russians work on that after they are done with Ukraine. pic.twitter.com/7wmBBdEfPI
— Anton Gerashchenko (@Gerashchenko_en) April 24, 2023
“Është e rëndësishme të theksohet se Serbia nuk ka rrugëdalje. Ajo kufizohet ekskluzivisht me vendet anëtare të NATO-s. Në kushte të tilla NATO vazhdimisht kërcënon Serbinë duke forcuar bllokadën. Por kur të përfundojmë likuidimin e organizatës terroriste të Ukrainës dhe kështu të tregojmë se ne nuk do të tolerojmë terrorizmin në fusha të tjera… Dhe vetëm kur sponsori kryesor i terrorizmit në botë – SHBA – të kuptojë se nuk ia vlen të mbështetet terrorizmi në botë, vetëm atëherë do të jemi të gatshëm ta ndihmojmë Serbinë ta kalojë atë bllokadë”, tha Wasserman.
Anton Gerashchenko, bashkëpunëtor i presidentit ukrainas Volodymyr Zelensky, postoi një regjistrim të deklaratës së politikanit rus në llogarinë e tij në Twitter.
Kujtojmë se nga fillimi i pushtimit rus në Ukrainë, Serbia është vendi i vetëm në Ballkan por edhe në Evropë, që nuk i ka vendosë Rusisë sanksione.
