Një kërcënim i ri ndaj qytetarëve të Kosovës, po vie nga një i ri serb që pretendohet të ketë bazë komunat veriore.
I mbuluar me një gjysmë maskë, në një video përmes paltformës Tik-Tok, ai thotë se shpërthimin me eksploziv në Ibër Lepenc, e kreu e ashtuquajtura ‘Rezistenca Çetnike Serbe’.
Derisa ai edhe paralajmëron akte të tjera me aksione serioze në prag të festave të fundvitit.
”Banjska ishte vetëm fillimi. Po fillojmë me aksione serioze rreth Krishtlindjeve. Nëse doni të ndihmoni, më shkruani në mesazh”, ishte kërkesa e tij, që për të cilin rast, Policia e Kosovës thotë se është në dijeni.
Zëvendësdrejtori për rajonin e Mitrovicës, Veton Elshani në një përgjigjje për mediumin “Klan Kosova”, u shpreh se Policia Policia është në veri të vendit dhe verifikon çdo informacion dhe e trajton me seriozitet.
