Në çdo sukses apo dështim të Pep Guardiolas, komentet prej të parave janë ato që lidhen me shpenzime e tij – saktësisht klubeve të tij – për transferimet.
Trajneri i Manchester City ‘akuzohet’ se ka bërë shpenzime marramendëse në lojtarë, dhe me këtë argument tentohet të zbehet suksesi i tij në botën e futbollit.
Megjithatë, në një analizë më të detajuar, krahasuar me disa prej trajnerëve më të stolisur pas tij, Pep Guardiola del të ketë harxhuar më pak sesa secili për trofe.
Nga viti 2007 deri në vitin 2016, Pep Guardiolas i ka kushtuar 25.9 milionë euro një trofe, përcjell lajmi.net.
Në të njëjtën periudhë, Jose Mourinho investoi 53.5 milionë euro për një trofe.
Në listën e matjeve janë edhe Jurgen Klopp, Luis Enrique e Alex Ferguson.
Skuadrat e Pep Guardiola atë periudhë kanë fituar 21 tituj, që përkthehet si më shumë sesa 60% e atyre ku kanë garuar.
Mourinho kishte fituar 14 trofe, Klopp 5, Ferguson 12, dhe Luis Enrique 7.
Në këtë aspekt, Pep Guardiola është trajneri më përfitues për skuadrat respektive. Më poshtë mund ta shihni tabelën e plotë.
