Pas skandalit në Shqipëri ku u gjetën tetë tonë mish pule i kontaminuar me salmonelë, Agjencia e Ushqimit dhe Veterinarisë në Kosovë ka ndërmarrë veprime shtesë për të hequr dyshimet për këtë lloj mishi me origjinë nga Brazili përcjell Gazeta Papirus.
Për llojin e mishit të pulës “Capacol”, i cili është edhe në tregun e Kosovës, Lamir Thaçi, zyrtar për Informim pranë AUV-it tha për se deri tani s’ka fakte që lidh Kosovën me incidentin në Shqipëri, por për të hequr dyshimet tashmë janë bllokuar shtatë ngarkesa në import, deri në daljen e rezultateve nga mostrat e marra nga secila
“Deri me tani nuk ka ndonjë fakt qe lidh rastin e incidentit të mishit në Shqipëri me Kosovën. Agjencia e Ushqimit dhe Veterinarisë përmes trupave inspektuese ka ndërmarr të gjitha veprimet ekzekutive shtesë, për të hequr dyshimet për mishin me origjinë nga Brazili. Pas lëshimit të urdhëresës për kontrolle shtesë, në import kanë ardhur 7 ngarkesa. Nga secila është marrë nga një mostër, ku sipas procedurës ngarkesat mbesin të bllokuara deri në nxjerrje të rezultateve”, deklaroi fillimisht Thaçi për Reporteri.net.
Ai theksoi se ka pasur dy kontrolle në pika shitëse ku dhe aty janë marrë mostra nga lote të ndryshme prodhimi, dhe se të njëjtat janë tërhequr e janë bllokuar deri në daljen e rezultateve përfundimtare për to.
Përveç këtyre, kontroll ka pasur edhe te operatori ekonomik importues, të cilit AUV-i i ka vënë edhe masë ndalesë të përkohshme për nxjerrjen në treg të produktit, derisa të ketë një rezultat edhe për këtë.
Thaçi s’ka dhënë datë të caktuar se kur mund të dalin të gjitha këto rezultate nga mostrat që janë marrë, pasi ai tha se e gjitha varet nga dinamika e testitmit nga laboratori.
“Po ashtu në kontrollin e brendshëm janë realizuar dy kontrolle në pika shitëse, nga të cilat janë marrë dy mostra nga lote të ndryshme prodhimi. Sasitë e lotëve të mostruara janë tërhequr dhe bllokuar deri në rezultate. Është inspektuar edhe depoja e operatorit e ekonomik importues, tek e cila përveç masës se ndalesës se përkohshme të nxjerrjes në treg të produktit në stok, është marrë një mostër për testim.
Të gjitha mostrat janë mbledhur nga pikat kufitare dhe kontrolli i brendshëm. Ato janë në laborator dhe ka nisur procesi i testimit. Për kohen e nxjerrjes se rezultateve, nuk mund të japim afat ose datë tani. Gjithçka varet nga dinamika e procesit të testimit nga laboratori. Në momentin e parë të nxjerrjes se rezultateve, do ta informojmë publikun me të gjeturat”, tha ai.
Mishi i pulës i kontaminuar me salmonelë arriti në portin e Durrësit më 11 mars. Po atë ditë, në një kontroll nga Autoriteti Kombëtar i Ushqimit në Shqipëri, ishin marrë mostra për t’i analizuar dhe të njëjtat u bllokuan u morën mori mostra për t’i analizuar, dhe njoftoi kompaninë importuese të mos e nxirrte në treg produktin nga kontejnerët frigoriferikë në port, deri në daljen e përgjigjes.
Më 21 mars, në rezultatet e dala nga analizat në laboratorin e AKU-së dhe një laboratori tjetër “ISUV” e nxori më 21 mars, mishi i pulës rezultoi i kontaminuar me salmonelë.
