Ministri i Administrimit të Pushtetit Lokal, Elbert Krasniqi, është pritur sot në Departamentin Amerikan të Shtetit.
Atje u prit nga Këshilltari i lartë, Paul Pfeiffer.
Në këtë takim u diskutua për qeverisjen lokale, zhvillimin ekonomik lokal, si dhe zgjedhjet në veri.
“Gjatë kësaj ditë takova edhe znj. Janine Garcia, këshilltare e lartë në Byron për Demokraci dhe të Drejta të Njeriut në Departamentin e Shtetit Amerikan” njoftoi mes të tjerash ministri Krasniqi.
Krasniqi ka falënderuar Pfeifferin për mbështetjen e ofruar në rrugën drejt Open Government Partnership (OGP) si dhe për planet e përbashkëta për implementimin e Planit Kombëtar të Veprimit për OGP.
Ai gjatë kësaj vizite poashtu është takuar edhe me Janine Garcia, këshilltare e lartë në Byron për Demokraci dhe të Drejta të Njeriut në Departamentin e Shtetit Amerikan.
