Ish-nënkryetari i komunës së Mitrovicës, aktualisht kryeshef i ndërrmarrjes Ibër-Lëpenc, del se ka pasuri marramendëse. Sipas deklarimit të bërë në Agjencinë Kundër Korrupsion, Muja del se ka prona prej mijëra euro, raporton Gazeta Papirus.
Mujka posedon hiq më pak se tri banesa, një shtëpi e veturë. Faruk Mujka ka deklaruar tri banesa, dy në emrin e tij e një në emër të bashkëshortes, kurse një shtëpi në emrin e prindit në vlerë 200 mijë euro.
Ai poashtu posedon edhe një veturë të tipit Passat në vlerë 4500 euro.
Përveç saj, Mujka ka deklaruar të hyrat mujore.
Ndryshe, Prokuroria Speciale ka njoftuar se policia ka realizuar sot bastisje në pronat e Faruk Mujës, Kryeshef i “Ibër-Lepencit” dhe Hysen Muzliukajt, këshilltar i ministrit Faton Peci. Ata dyshohen për korrupsion në kohën kur ishin pjesë e qeverisjes së Agim Bahtirit të Lëvizjes Vetëvendosje në Komunën e Mitrovicës.
Zyrtari i Lëvizjes Vetëvendosje, i cili në fund të vitit të kaluar u zgjodh kryeshef i Ndërmarrjes Publike “Ibër Lepenc”, i merr dy rroga të plota: atë të kryeshefit ekzekutiv dhe të asamblistit në Kuvendin Komunal të Mitrovicës së Jugut, shkruan Gazeta Papirus.
Sipas deklarimit të pasurisë në Agjencinë Kundër-Korrupsion, me dy rrogat, Mujka i bie se paguhet rreth 14 mijë euro më shumë se kryeministri i vendit, dhe shefi i tij në parti, Albin Kurti/Gazeta Papirus/
