Presidenti serb Aleksandar Vuçiq do të bisedojë sot me liderët politikë të serbëve të Kosovës, përfaqësuesit e Listës Serbe, në ora 11 në Beograd, kanë thënë për agjencinë Tanjug nga kabineti i Vuçiqit.
Siç transmeton Gazeta Express, në takim do të bisedohet për situatën dhe pasojat e ndodhive të djeshme në Mitrovicë dhe Prishtinë pas hyrjes ilegale të drejtorit të së ashtuquajturës Zyrë për Kosovën Marko Gjuriq dhe arrestimit të tij nga policia serbe.
Takimi, sipas agjencisë shtetërore serbe, do të mbahet me qëllim që drejtuesit e Listës Serbe të mund të vlerësojnë dhe të vendosin se a do të mbeten edhe më tej në Qeverinë e Kosovës.
Disa media serbe tashmë kanë njoftuar se liderët serbë të Kosovës do ta njoftojnë Vuçiqin se do ta braktisin kabinetin e Ramush Haradinajt
