Analisti Blerim Latifi ka deklaruar se me tri kushtetet e tij në Bruksel, kryeministri Kurti ka treguar se e pati një frikë në kontekst të një takimi të mundshëm trepalësh mes tij, presidentit Vuçiq, kryediplomatit të polititkës së jashtme të BE-së, Joseph Borrell, dhe emisarit të bllokur, Miroslav Lajçak.
“Si duket Kurti e ka pas një qëllim të qartë pse ka shku atje dhe ky qëllim ka qenë për me dështu ky takim. Kur i lexon ato tri kushtet e tij, shihet se Kurti ka pas një frikë”, pohoi Latifi në Pressing.
“Nëse takohet me Vuçiqin me të cilin është taku 10 ditë para sulmit të Banjskës normalizohen takimet e këtij niveli me të dhe mbyllet dosja e Banjskës. Nëse ndodh ky takim, dalin me një deklaratë se do të vazhdojë në këtë nivel, mbyllet dosja e Banjskës dhe kurgjë kerkujna. Mendoj se nëse e ka bë këtë vlerësim ka qenë perspektivë shumë e ngushtë”, deklaroi më tej Latifi.
