“Betimi në Drejtësi” raportoi të premten se është arrestuar Faruk Mujka kryeshef ekzekutiv i Bordit të Ndërmarrjes Hidroekonomike “Ibër-Lepenci”,
Mujka është arrestuar nën dyshimin për korrupsion gjatë kohës sa ishte nënkryetar i Mitrovicës jugore.
Kush është Faruk Mujka?
Faruk Mujka e ka drejtuar degën e Vetëvendosjes në Mitrovicë. Ai ka garuar në zgjedhjet lokale të vitit 2021 duke marrë 8,647 vota në garën për asamblist të Komunës së Mitrovicës Jugore.
Mujka ka qenë edhe nënkryetar i Komunës së Mitrovicës Jugore deri në fund të vitit 2021. Gjatë kësaj periudhe kohore, pra deri në fund të vitit 2021, Mujka ishte kryetar i degës së LVV-së në Mitrovicë. Ai gjithashtu ishte nënkryetar i Këshillit të Përgjithashëm të Lëvizjes Vetëvendsoje.
Zgjedhja e Mujkës në krye të Ibër-Lepencit ishte konsideruar si e jashtëligjme për shkak të angazhimit të tij politik para marrjes së postit.
Një interpretim i Ligjit për Ndërkmarrjet Publike, i bërë në vitin 2018 me rastin e kandidimit të Blerand Stavilecit për kryeshef të KEK-ut, tregonte se në 36 muajit e fundit personat që kanë pasur poste politike në institucione apo në parti politike nuk mund të zgjidhet në krye të menaxhmentit të një ndërmarrjeje publike.
Këtë interpretim ligjor e kishte nxjerrë Ministria e Ekonomisë dhe Zyra e Kryeministrit në atë kohë.
Në vitin 2020 mediat kishin raportuar se Mujka kishte punësuar nusen e djalit dhe gjashtë aktivistë të VV-së.
Njeriu i Vetëvendosjes kishte gisht edhe në shkëmbimin e dyshimtë të pronës.
