Kryeministri i Kosovës, Albin Kurti në mbledhjen e 156-të të Qeverisë ka folur për pjesëmarrjen e tij në darkën joformale në Athinë të Greqisë, shkruan Reporteri.net.
I pari i Qeverisë tha se në Athinë ka theksuar se de-eskalimi në katër komunat veriore të Kosovës ka ndodhur.
Kurti tha se në prag të Samitit të Berlinit në Tiranë, takimi në Athinë me pjesëmarrjen e presidentit Zelensky i kontribuon bashkëpunimit rajonal dhe procesit të integrimit në BE.
“Takimi në Athinë me pjesëmarrjen e presidentit Zelenskyt i kontribuon bashkëpunimit rajonal dhe procesit të integrimit në BE. Për Kosovën pjesëmarrja në Athinë dhe takimet e nivelit të lartë në pallatin Maximous përbëjnë edhe një hap tjetër drejt avancimit të marrëdhënieve të Kosovës dhe asaj të Greqisë”, tha Kurti në mbledhjen e Qeverisë.
Kreu i ekzekutivit shtoi se në darkën në Athinë theksoi se anëtarësimi i Kosovës në BE nuk ka alternativë.
“Në darkën e përbashkët që patëm unë theksova se anëtarësimi i Republikës së Kosovës në Bashkimin Europian nuk ka alternativë. Të gjitha shtetet që aspirojnë anëtarësimin në BE duhet të zbatojnë demokracinë, sundimin e ligjit, respektimin e të drejtave të njeriut dhe fqinjësinë e mirë. Për fqinjësi të mirë demokratike e evropiane është e domosdoshme njohja reciproke de jure dhe de facto, si dhe të drejtat e pakicave”, tha Kurti.
“Në darkën e përbashkët theksova se de-eskalimi në komunat veriore, është rezultat, njërën anë i arrestimit të elementëve të dhunshëm që sulmuan policinë dhe KFOR-in, dhe në anën tjetër i largimit të esktremistëve. Kanë kaluar dy muaj që kur është regjistruar incidenti i fundit”
“Kosova është duke zbatuar në përpikmëri dakordimin e arritur në Bratisllavë”, tha Kurti
