Vazhdon edhe më tutje të diskutohet çështja e shkarkimit të Ardita Sinanit.
Teksa mori fjalën, Sami Saliu ai dha edhe detaje se ishte i kërcënuar përgjatë një kohe. Tutje, Salihu shtoi edhe faktin sesi kishte tentuar që t’i bënte bashkë Shaip Kamberin e Shqipërim Arifin.
Por diçka tjetër mori vëmendjen tonë. Bëhet fjalë për kritikat ndaj Qeverisë Kurti. Salihu u tregua goxha i ashpër, duke thënë se ndihet keq në çfarë derexhe ka rënë Qeveria Kurti, gjithnjë sipas tij.
Ai aludoi në faktin se Sinani tentoi që përmes lidhjeve miqësore, ta angazhojë ekzekutivin kosovar për ta ndihmuar që të mos shkarkohet.
“Alarmin që nuk po bëhemi bashkë me një listë shqiptare e kam ngritur edhe në institucione të Kosovës e Shqipërisë. Unë dhe familja ime kemi qenë fizikisht të frikësuar. E kam kalu konceptin e frikës. E alarmuat një Shqiptari gjoja se këtu koka bo… edhe ftesa e kryeministrit (Kurti) pse more me i shfrytëzu ato mundësitë personale e familjare për të kriju kurthe vetëm për të pengu një vullnet i cili është i qytetarëve.
Më vjen keq për qeverinë e Kosovës në çfarë derexhe ka ardhë, ku bjen në këtë ndikim edhe unë e them publikisht, dhe unë nuk jam pjesë e asaj kurthe edhe s’du me ia ditë për atë punë, faleminderit kaq kisha, mirëpafshim”, tha ai në Kuvend, gjatë mbajtjes së seancës.
