Avokati, Taulant Hodaj është shprehur se gazetari, Arlind Sadiku ka bërë një gabim me bërjen e simbolit të shqiponjës, pasi kjo bie ndesh me rregullat e UEFA-së.
Hodaj thotë se tifozët janë të lirë të bëjnë simbole apo edhe thirrje fyese, po një person i akredituar nga shtëpia më e madhe e futbollit evropian si UEFA, jo, njofton Klankosova.tv.
“A ke pasur akreditim, po. Akreditimi ka rregulla, në bazë të këtyre rregullave ti ke qenë një person i akredituar dhe është dashtë të dish se çfarë parashihen në rregullat e UEFA-s”, tha Hodaj.
“Ndodh që ua kanë shpjeguar se cilat janë ato rregulla, ndodh që edhe jo, ndoshta e keni nënshkruar duke thënë ata se keni njohje mbi këto rregulla”.
“Unë mendoj se është cilësuar si atakim për ty si person i akredituar, jo për tifozët, se tifozi ka pasur drejt ta bëjë, por jo ti si person i akredituar”.
“Unë po vuaj pasojat”, u shpreh pastaj Sadiku ndaj Hodajt.
“I vuan pasojat se ke bërë gabim trashanik për UEFA-n”, tha Hodaj.
