Gazetari Baton Haxhiu, ka thënë se ka bërë gjithçka që Gjykata Speciale të rrëzohet e mos të formohet nga Kuvendi i Kosovës.
Ai po ashtu u shpreh se ka tentuar që Specialja të kthehet në Kosovë, e jo ku gjendet aktualisht në Hagë të Holandës.
“Kam qenë kundër, jam kundër dhe kam panuar që të shkatërrohet Gjykata Speciale. Kam bërë gjithçka që të organizohet Kuvendi që ta rrëzojë Gjykatën Speciale. Gjithçka kam bërë”, tha ai sonte në T7.
Po ashtu, ai tregoi një polemikë me ish-kryeministrin Hashim Thaçi. Haxhiu shpjegoi se i ka thënë Thaçit, i cili gjendet aktualisht në Hagë, se formimi i Speciales nga Kuvendi i Kosovës është kundër historisë dhe Ushtrisë Çlirimtare të Kosovës.
“Dua të pranoj se edhe dy prej të cilëve janë në Hagë, prej vitit 2016 e kanë ditur se si do të përfundojë procesi, që do të akuzohen. Kam pasur informacion të saktë dhe për çudi, zoti Thaçi e ka pasur një konferencë për shtyp para se të formohej apo votohej Specialja, e kam pasur polemiken e i kam thënë zoti kryeministër ky proces për votim është anti-kushtetues, kundër UÇK-së. Ka qenë në Swiss Diamond ai adresimi i kryeministrit”, shtoi ai.
