Kandidati për kryeministër nga radhët e koalicionit, AAK-Nisma Ramush Haradinaj është deklaruar pas rezultateve të para të publikuara.
Ai është shprehur i bindur që kanë rezultat dyshifror.
Haradinaj ka uruar opozitën për fitore duke thënë që mezi pret bashkëpunimin për krijimin e qeverisë, siç e quajti ai të opozitës.
“Zgjedhjet ndër më të mira në Kosovë. Falënderojë qytetarët për kulturën e treguar…”
“Tani më veç kemi rezultatet e para, exit-poll, preliminare. Ne jemi të sigurt që kemi rezultat dyshifror dhe këtë besoj që do ta vërtetojmë me numërimin e votave, po presim rezultatin na ndajnë 1 orë e gjysmë nga komisionet komunale zgjedhore. Ajo që më gëzon është fakti që opozita i ka fitu këto zgjehdje, dhe i urojë opozitës fitoren, dhe pres me padurim që të bashkëpunojmë për krijimin e qeverisë së opozitës në Kosovë”, u shpreh Haradinaj derisa tha se nuk kanë dalë të kënaqur me rezultat e prezantuara deri tani.
“Tani e kam të vështirë me thënë të sakte, se me këto Exit-pollet s’jemi të kënaqur, mirëpo jemi të interesuar t’i presim rezultatet konkrete, disa informacione që i kemi ne është se jemi 2 dyshifror por nuk po nxitohem me demantu sepse edhe pak orë do ta kuptojmë të vërtetën”, tha ai para gazetarëve.
Theksojmë se gjitha Exit-Pollet rendisin AAK-Nismën me përqindje prej 7.85, 7.3 dhe 7.6%.
