Lëvizja “Patrulla Popullore” e krahut të djathtë ekstrem ka protestuar mbrëmjen e së premtes kundër vetos së Serbisë për përjashtimin e Rusisë nga Këshilli i OKB-së për të Drejtat e Njeriut.
Qindra njerëz janë parë rrugëve të Beogradit me pankarta në duar duke përkrahur Rusinë e duke pretenduar se Kosova është pjesë e Serbisë, përcjell Demokracia.com.
Themeluesi i lëvizjes, Damjan Knezheviq, para protestuesve tha se është në interes të Serbisë “që Rusia ta fitojë luftën sepse vetëm Rusia garanton që Kosova do të mbetet në Serbi”.
“Rusët dhe Serbët janë vëllezër gjithmonë”, ka qenë brohoritja e protestuesve me flamujt serbë dhe rusë. Ndërkaq ata shfaqën edhe pankarta për Kosovën. “Kush e tradhton Kosovën, e tradhton edhe Rusinë”, thuhej në disa prej tyre.
“Euronews Serbia” raporton se në protestë janë kënduar këngë ruse dhe janë intonuar himnet e Rusisë dhe të Serbisë, përcjell Demokracia.com.
Kjo nuk është hera e parë që në Serbi janë organizuar protesta pro-ruse, pasi disa të tilla janë mbajtur që kur ka filluar lufta Rusi-Ukrainë.
Serbia është vendi i vetëm në Evropë që vazhdimisht ka refuzuar t’i vendosë sanksione Rusisë, pavarësisht se një gjë e tillë rrezikon rrugën e saj drejtë BE-së.
https://twitter.com/i/status/1515031643140014082
