Analisti politik, Halil Matoshi ka reaguar pas deklaratës së ish të burgosurit politik, Fehmi Berisha, i cili për Insajderin tha se nuk është pishman për kërcënimin që ia bëri Matoshit, pasi sipas tij e ka thënë në mënyrën kushtore.
Insajderi ka kontaktuar edhe me z.Matoshi, i cili këtë deklaratë të Berishës e cilësoi si mendësi terroriste.
Ai madje shtoi se ideja e terrorit enverist në Kosovë është mjaft e përhapur.
“Fjali e tij mua nuk më bën përshtypje, por e shprehë vet atë: mendësinë terroriste të një pjesë të shoqërisë kosovare. Kur e mendoj sa shumë është përhapur në Kosovë ideja e terrrorit enverist e vërej sa në gjendje e shkretë është kjo shoqëri” – tha Matoshi për Insajderin.
Ndryshe, Berisha deklaroi mbrëmë në emisionin “Politiko” të Kanal 10 se “6 mijë veta i kisha vjerrë në sheshin e Prishtinës për 24 orë”. Ai nuk u ndal këtu tha se të parin do të “varte” Halil Matoshin.
“Kam thënë kushtimisht; do ta varja… është e pakryera e kushtores. Pra nuk kam kërcënuar. Ndaj jo, nuk kam përse të pendohem”, ka thënë Berisha për Gazetën Insajderi.
