Komisionari evropian për zgjerim, Johannes Hahn, ka reaguar për zhvillimet e fundit në Kuvendin e Kosovës, ku po tentohet të votohet demarkacioni, e që Vetëvendosje po e pengon atë duke hedhur gaz lotsjellës. “E dënoj fuqishëm përdorimin e gazit lotsjellës.
Një sjellje e tillë nuk ka vend në demokraci. Në këtë ditë të rëndësishme, liderët kosovarë duhet të jenë të përgjegjshëm dhe ta votojnë marrëveshjen e demarkacionit. Qytetarët e tyre vetëm mund të përfitojnë nga ky hap drejt liberalizimit të vizave”, ka shkruar Hahn në Twitter.
