Një person është gjetur i vdekur në një shtëpi të pabanuar në Pejë, ka bërë të ditur Policia e Kosovës në raportin 24 orësh.
Lidhur me këtë rast policia ka nisur hetimet, derisa në vendin e ngjarjes janë gjetur dhe konfiskuar një revole me 15 fishekë dhe një gëzhojë e armës së zjarrit.
“Pejë, 10.08.2023-13:50. Është gjetur pa shenja jete, në një shtëpi të pa banuar viktima mashkull kosovar. Vdekjen e viktimës e ka konstatuar ekipi mjekësorë në vendin e ngjarjes. Në vendin e ngjarjes është gjetur dhe konfiskuar një revole me 15-fishekë dhe një gëzhojë e armës së zjarrit. Me vendim të prokurorit, trupi i pa jetë i viktimës është dërguar në IML për autopsi”, thuhet në raportin e policisë.
