Freedom House në raportin e fundit, për të katërtin vit radhazi, Serbia nuk klasifikohet si vend demokratik, por si “regjim hibrid apo tranzitor” në të cilat institucionet demokratike janë të brishta.
Cilësia e demokracisë në Serbi, në raportin “Vendet në Tranzicion” matet nga 1 në 7, këtë vit si vitin e kaluar është vlerësuar me 3.79, që ishte rënia e dytë më e madhe e regjistruar.
Raporti thekson se edhe pse në pamje të parë ka pasur një përmirësim të pluralizmit politik gjatë vitit 2022 për shkak të pjesëmarrjes së opozitës në zgjedhje pas një bojkoti shumëvjeçar, procesi zgjedhor vazhdon të ketë parregullsi. Si aspekt më të diskutueshëm të zgjedhjeve, Freedom House përmend procesin e zgjatur të shpalljes së rezultateve përfundimtare.
