Kandidati për deputet nga Partia Demokratike e Kosovës (PDK), Driton Lajçi, ka ndarë një mesazh të veçantë në rrjetin e tij social Facebook, duke premtuar mbështetje të madhe për familjet e dëshmorëve, shkruan Gazeta Papirus.
Ai theksoi se programi i PDK-së parasheh që këto familje të mos jenë të detyruara të zgjedhin mes pensionit të dëshmorit dhe atij të moshës, por t’i përfitojnë të dyja.
Në statusin e tij, Lajçi tregoi edhe për takimin që pati në Ramaj të Hasit me z. Haki Samahodaj, babain e dëshmorit Muharrem Samahodaj.
“Mbrëmë në Ramaj të Hasit, me z. Haki Samahodaj, babai i dëshmorit Muharrem Samahodaj. Z. Haki e informova se në programin e PDK-së familjet e dëshmorëve nuk do të zgjedhin se cilin pension ta marrin. Atyre do t’u takojë i dëshmorit dhe i moshës,” shkroi Lajçi.
Ai gjithashtu i ftoi qytetarët që ta mbështesin atë dhe PDK-në në zgjedhjet e ardhshme, duke theksuar se vota për PDK-në është një hap drejt një të ardhmeje më të mirë.
“Vota e juaj për PDK 131 dhe Driton Lajçi 97, hap drejt së ardhmes që e meritojmë,” përfundoi ai mesazhin e tij.
#DritonLajci97 #BedriHamzaKryeminister #PDK131**
