Dy herë Amerika ia ka shpëtuar bothën Evropës. Në Luftën e Parë dhe në Luftën e Dytë. Prandaj është komike të dëgjosh ekstremistët e majtë evropianë teksa ankohen për Trumpin. Të njëjtit janë ankuar edhe për Bushin, edhe për Clintonin, edhe për Reganin.
Kritika e Trumpit ndaj vendeve të NATO-s ka qenë dhe mbetet legjitime. Këtë kritikë Evropës ia kanë bërë edhe Obama edhe Biden. Nëse e doni NATO-n, duhet të paguani për NATO-n.
A e dini sa paguan Amerika për shpenzimet e NATO-s?
Buxheti vjetor i NATO-s në vitin 2024 ka qenë 1 miliard e 280 milionë dollarë. A e dini sa paguan Amerika? 880 milionë, ose 67 për qind.
Amerika ka rreth 300 milionë banorë, ndërsa vendet e tjera të NATO-s kanë rreth 600 milionë banorë. Megjithatë, 300 milionë banorë paguajnë 2/3 e shpenzimeve të sigurisë së 600 milionë banorëve.
Nuk po flasim për vende të varfra. Po flasim për shtete si Britania, Gjermania, Franca, Italia, etj.
Amerika për NATO jep 3.4% të buxhetit, ndërsa vende si Gjermania, Britania, Sllovenia, etj., si pasojë e presionit amerikan, po japin 1-2%, sepse më parë kanë qenë nën 1%. Vetëm Polonia po jep mbi 4%, sepse e ka fqinje Rusinë, dhe Trump dje e lavdëroi Poloninë.
Bota e Sllovenisë ishte ngritur dje për t’u solidarizuar me Zelenskyn, por për NATO priton të paguajë.
A e dini sa ushtarë amerikanë janë të stacionuar në Evropë? Mbi 100 mijë. Në Korenë e Jugut dhe në Japoni edhe 100 mijë të tjerë. Në vende të tjera të botës edhe 100 mijë të tjerë.
A e dini se Evropa po e kruan kokën kur po i thonë: “A mund të bëni 30 mijë paqeruajtës për Ukrainën?”
Ankesa e vetme legjitime e Evropës ndaj Amerikës mund të jetë: “Vazhdo ndihmona pa kompensim, se vetë i ke fajet – na ke mësuar keq, na ke bërë të varur.”
Kur i kishte thënë Blair – Clintonit: “Hajde se po ndërhyjmë me trupa tokësore në Kosovë,” Clinton e kishte pyetur: “Me sa ushtarë po hyni ju?” Blair i kishte rrudhur krahët.
“Aha, ju po doni të luftoni deri në ushtarin e fundit amerikan,” – Shelton, shefi i Pentagonit në vitin 1999.
Mos të flasim pastaj për fuqinë bërthamore amerikane. Mos të flasim pastaj për problemet në Azi, Afrikë e Amerikë Latine, që Evropa vetëm i shikon nga larg.
Kurrë nuk është e tepërt të kujtojmë tregtinë e Evropës me Rusinë për 30 vjet.
Ec atje. Shtini paratë. Lini llafet e kota.
Behana e Trumpit që po flet para kamerave.
