Sali Berisha është shprehur sot se Partia Demokratike nuk do të votojë asnjë kandidat për President të propozuar nga Edi Rama.
Në konferencën e përjavshme për shtyp ai tha se PD-ja do të votojë vetëm atë emër që do ta propozojë ajo.
“Asnjë kandidat të propozuar nga Edi Rama nuk do ta votoja. Rregulli është rregull. Në qoftë se maxhoranca vendos që tia japë opozitës, atëherë është opozita që negocion, përzgjedh, paraqet një apo dy emra dhe vendoset. Por Edi Rama po bën të kundërtën. Të implikohesh në një proces me zarfe, është njësoj si në një tender sekret. Tenderi sekret nuk mund të jetë me përjashtim të atyre që bëjnë shërbimet inteligjente”, u shpreh Berisha.
“Në votimin në Parlament PD-ja do të jetë. Por në një process të bazuar në zarfe dhe emaile sekrete nuk do të përzihet. Se çfarë do bëjë Alibeaj me Ballën ajo është puna e tyre. Ju e patë dhe dje se si ai i lejoi vetes të keqpërdoret në shkallën me ekstreme. Nuk ka ndodhur kurrë në 30 vite të keqpërdoret një deputet në atë mënyrë nga kundërshtari. Ai që publikisht lejon një keqpërdorim të tillë, mund ti lejojë vetes çdo gjë” – u shpreh Berisha.
