ShBA në bisedime me aleatët evropianë për ndalimin e importeve të naftës ruse
Sekretari amerikan i Shtetit Antony Blinken tha se ShBA po punon me aleatët e saj në Evropë për të shqyrtuar mundësinë e ndalimit të importeve të naftës ruse në një përpjekje për të ndëshkuar më tej vendin për pushtimin e paprovokuar të Ukrainës.
“Kur bëhet fjalë për naftën, naftën ruse, dje isha në telefon me Presidentin dhe anëtarët e tjerë të kabinetit pikërisht për këtë temë, dhe tani po flasim me partnerët dhe aleatët tanë evropianë për të parë në mënyrë të koordinuar perspektivën për ndalimin e importit të naftës ruse duke u siguruar që ka ende një furnizim të duhur të naftës në tregjet botërore”, tha ai për CNN.
“Ky është një diskutim shumë aktiv ndërsa flasim”, shtoi Blinken.
Shtetet e Bashkuara kanë njoftuar tashmë një mori sanksionesh kundër Rusisë dhe presidentit Vladimir Putin.
Por hapi i paprecedentë i sanksionimit të eksporteve të saj të naftës ka të ngjarë të çojë në rritje të çmimeve, duke u dhënë një goditje konsumatorëve në mbarë botën, pasi Rusia është prodhuesi numër dy i naftës në botë.
Megjithëse ShBA konsumon shumë pak naftë ruse, tregu global i ndërlidhur do të thotë se goditjet e ofertës në një pjesë të botës mund të ndikojnë në çmimet kudo,
