Ish-Ministri i Mbrojtjes dhe njëherit ish-kryeministër, Agim Çeku, ka folur për krijimin e Fondit të Sigurisë, për çka tha se nuk po i pëlqen mënyra e menaxhimit.
“E mbështes Fondin e Sigurisë, është gjë e mirë, por nuk po më pëlqen mënyra e menaxhimit, çdo fond apo fondacion ka strukturën e vet, ka sekretariatin e vet, i ka njerëzit që e reklamojnë, rregullojnë dhe raportojnë, si çdo fondacion tjetër”, tha Çeku në Rubikon të Klan Kosovës.
“Nuk po funksionon ashtu siç duhet, nuk kam informacion se sa mjete janë tubuar, nuk po shoh një mobilizim më të madh të subjekteve ekonomike për të u mbushur ky fond”, u shpreh ai.
“Ky fond është më se i nevojshëm, kërkon solidaritet dhe vullnet, me pas strukturë të vetën, sekretariat të vetin, një strategji të veten se si të inkurajohen diaspora apo qytetarët që të kontribuojnë dhe në fund një raportim se ku kemi mbrri me të holla, dhe ku do të shkojnë ato, sepse njerëzit duan ta dinë se ku shkojnë mjetet”.
