Ish-deputeti i VV-së, Haki Abazi, ka reaguar pasi tashmë përçarja në mes të Presidentes dhe tandemit Kurti-Gërvalla ka dalë në sipërfaqe.
Abazi ka thënë se në kohën kur kishte pasur probleme me Kurtin dhe Konjufcën si rezultat i veprimeve joligjore dhe joracionale, Osmani i kishte thënë se nuk e beson që po e bëjnë me qëllim. Deputeti i Kuvendit të Kosovës thotë se beson që Osmani është bindur tashmë.
Abazi thotë se gjatë kohës kur ka qenë kryetar i Komisionit për Punë të Jashtme, krerët e VV-së nuk ia kishin aprovuar as udhëtimet, meqë thotë se frikësoheshin nga sukseset potenciale.
Ai thotë se pas të gjithëve, duket që tashmë i ka ardhur koha për linçim edhe presidentes Osmani. Abazi thotë se Kurti në fillim u mundua që të fuste në luftë me prokurorinë e gjyqësinë, meqë kështu e fut në qarkun antikushtetues, dhe shton se tashmë Kurti po provon që ta fus në lojë Memli Krasniqin për ta bërë “shkrum” edhe presidenten Vjosa Osmani bashkë me PDK-në.
Abazi thotë se Kurti është “narcisist, mashtrues dështak dhe një komunist të brymosur me “vlerat” e Fadil Hoxhës dhe vllëzërve të tij që kanë vrarë Shaban Polluzhën dhe bashkëluftëtarët”.
Reagimi i plotë:
Aida kishte të drejtë…
Kur unë kisha probleme me Kurtin dhe Konjufcën, kur ata të dy bashkë me Gërvallën shkelnin procedura e merrnin vendime jo ligjore dhe joracionale, Presidentja thoshte se nuk beson që e bëjnë me qëllim. Tani është bindur besoj!
Si Kryetar i Komisionit për Punë të Jashtme përveç arritjeve dhe sukseseve për të hapur dyer të institucioneve dërkombëtare dhe shteteve mosnjohëse, problemin kryesor e kisha që Kurti bashkë me Konjufcën dhe Kusarin nuk aprovonin as edhe udhëtimet për takime zyrtare nga frika prej suksesit dhe arritjeve! Çmenduri totale!
Tani pas të gjithëve, i ka ardhur koha për linçim edhe Vjosa Osmanit nga propaganda fashiste e LVV në mediat sociale. Kurti u mundua ta fuste në luftë me prokurorinë dhe gjyqësinë, sepse kështu e e fut në qarkun antikushtetues, tani priteni sulmin duke e tentuar për ta futur në lojë Memlin dhe PDK për ta bërë shkrum edhe Vjosën dhe PDK!
Unë nuk dua të “ngrohem” në zjarrin e djegjes së Presidentës as të PDK, sepse është koha me kuptu që kemi të bëjmë me një narcisist, mashtrues dështak dhe një komunist të brymosur me “vlerat” e Fadil Hoxhës dhe vllëzërve të tij që kanë vrarë Shaban Polluzhën dhe bashkëluftëtarët. Kurti vret e shkel mbi gjakun e shqiptarëve për ideologjinë e tij dhe për të ikur nga përgjegjësia u dërgon lule te varri. Ai ti falë të gjitha, edhe Kusarin ta bën yll por suksesin e nuk ta falë kurrë!
Demokracia dhe funksionimi demokratik është në rrezik nga diktatura elektronike e Kurtit!
