Në rastin për rrënimin e aneksit të “Abi Çarshia” në Prizren, Prokuroria Themelore e Prizrenit po kërkon ashpërsim të dënimit ndaj deputetes nga radhët e Lëvizjes Vetëvendosje Jetmire Vrenezi dhe ish-zyrtarit të Komunës së Prizrenit Islam Thaqi, derisa mbrojtja ka kërkuar lirimin e tyre ose rigjykim.
Këto ankesa u shqyrtuan të premten, pranë Kolegjit të Apelit.
Gjykata Themelore në Prizren më 17 maj 2022, ka shpallur aktgjykim dënues ndaj të akuzuarve Islam Thaqi dhe Jetmire Vrenezi për keqpërdorim të detyrës zyrtare ku të njëjtit i kishte dënuar me nga 3 vite burg dhe dy mijë euro gjobë.
