Kontakti me rrymën shumë herë ka rezultuar tragjik. Kështu ka ndodhur edhe dje në fshatin Klinë e Epërme të Skenderaj. Këtë here, si pasojë e tensionit të lartë të energjisë elektrike, ka ngordhur një lopë, raporton Gazeta Sinjali.
Kështu kanë bërë të ditur burimet nga Prokuroria, me ç’rast kanë njoftuar se ngjarja që ka ndodhur në këtë fshat u denoncua në Polici nga pronari i shtëpisë.
Sipas informatave të para, që denoncuesi ka dhënë para hetuesve, lopa në vlerë prej 2 mijë eurove, ka ngordhur pasi ka rënë në kontakt me rrymën, për shkak të disa telave që kanë rënë në tokë.
Për pasojë, rryma e mbyti lopën, me të cilën familja mbijetonte.
Burimet thonë se pas raportimit të rastit, me urdhër të Prokurorit të Shtetit, rasti është iniciuar si Shkaktim i Rrezikut të Përgjithshëm.
