Është hedhur shorti për ndeshjet eliminatore të grupeve për Kampionatin Evropian në konkurrencën e femrave për grupmoshat U17.
Shorti e ka vendosur Kosovën në grupin 2, ku përballë saj do ta ketë kombëtaren simotër, Shqipërinë. Pos tyre, pjesë e grupit do të jenë edhe Maqedonia e Veriut dhe Moldavia.
Me vendimin e marrë në vitin 2020 nga Komiteti Ekzekutiv i UEFA-s, kualifikueset e U-17 dhe U-19 për femra janë riorganizuar, teksa skuadrat janë ndarë në dy Liga, A dhe B, transmeton lajmi.net.
Ekipet që janë pjesë e Ligës A garojnë për t’u kualifikuar në Evropian, ndërsa ato të Ligës B garojnë për t’u ngjitur në ligën më lart.
