Këngëtarja e njohur, Adele ndau dy foto të saj në Instagram për të festuar 34-vjetorin e saj. Fituesja e çmimit Grammy shfaqet e veshur me një fustan të personalizuar të Carolina Herrer. Krahas fotove, Adele shprehet se ndihet më e lumtur se kurrë.
“Çfarë ndryshimi bën një vit! Nëse koha vazhdon të shërojë dhe të zbusë të gjitha rrudhat në jetën time, ashtu siç ikin vitet, atëherë mezi pres të bëhem 60 vjeç. Nuk kam qenë kurrë më e lumtur! Kaq shumë mësime, kaq shumë bekime për të cilat duhet të jem mirënjohëse.” ka thënë ajo.
