Është liruar nga paraburgimi njëri nga tre të dyshuarit për vrasjen e trefishtë që ndodhi në Gllogjan të Deçanit në fund të muajit nëntor.
Njëri nga tre të arrestuarit është liruar me aktvendim të Gjykatës Themelore në Prishtinë, shkruan Paparaci.
Mbrëmjen e 26 nëntorit, tre persona – në mesin e tyre dy nxënës – mbetën të vrarë nga të shtënat në drejtim të një autobusi në afërsi të fshatit Gllogjan të Komunës së Deçanit – rreth 100 kilometra larg Prishtinës.
