Kryetarja e Unionit Social Demokrat, Duda Balje ka deklaruar sërish se për të hyrë në koalicion qeverisës me VV-në, ka një kusht.
Balje gjatë linjës telefonikie në Debat Plus u shpreh se kërkon ‘formimin e Komunës Boshnjake’
‘’Kam pas një komunikim sot, dhe nesër në ora 09:00 unë me përfaqësuesit e partisë time do të shkojmë në takim. Takimi do të mbahet në qeveri. Nuk jam duke lëviz nga vendimi që kemi marrë brenda partisë, është premtim që i kemi jep boshnjakëve. Është pjesë e marrëveshjes për qeveri’’, u shpreh Balje.
Kujtojmë, se gjatë ditës së mërkurë, kryeministri në detyrë, Albin Kurti është takuar me kryetaren e Partisë së Re Demokratike (NDS), Emilija Rexhepi, kryetarin e Partisë për Liri, Drejtësi dhe Mbijetesë, Nenad Rashiq dhe kryetarin e partisë Iniciativa e Re Demokratike e Kosovës (IRDK), Elbert Krasniqi.
