Sezoni i ri i emisionit Kojshia Show nisë sonte, ku mysafiri i parë për këtë sezon është Fero, ish-këngëtari më i përfolur në mediat rozë për shkak të vendimit të tij për t’u larguar nga muzika dhe për t’iu përkushtuar fesë islame.
Në këtë emision, ai ka treguar si ka ndodhur ky ndryshim tek ai, pas të cilit thotë se nuk është ndjerë asnjëherë më i lumtur.
I pyetur se çka mendon për këngëtarët e tjerë që kanë hyrë në fe dhe vazhdojnë të mirren me muzikë, ai tha se në islam hyhet komplet dhe se kjo fe nuk e pranon laramaninë.
Edhe pse nuk foli me emra, kjo deklaratë e tij la të kuptojë qartë se është duke folur edhe për këngëtarin Gold AG, ku edhe ky i fundit ka kohë që iu është përkushtuar fesë, ndërsa vazhdon ende të mirret me muzikë.
