Instituti i Mjekësisë Ligjore ka zhvilluar sot gërmime në varrezat e myslimanëve në veri të Mitrovicës, me qëllim të gjetjes së mbetjeve mortore.
Këto gërmime që filluan në orën 09:00, përfunduan vetëm tre orë e gjysmë më vonë, në 12:30.
Drejtori i IML-së, Arsim Gërxhaliu, tha për Gazetën Sinjali se këto gërmime u mbyllën dhe se ekspertët e këtij instituti nuk gjetën asnjë mbetje mortore.
Gërxhaliu bëri të ditur se ky institut do të fillojë gërmimet për gjetjen e mbetjeve mortore në Kizhevak të Serbisë më 5 maj të këtij viti.
