Nënkryetarja e Partisë Demokratike të Kosovës, Vlora Çitaku, ka kritikuar partinë në pushtet për qasjen ndaj prokurorëve, gazetarëve dhe sindikalistëve.
Përmes një postimi në llogarinë e saj në Facebook, Çitaku ka shkruar se kjo shpërfaq mendësinë totalitare të tyre.
“Këta nuk duan të qeverisin. Duan të sundojnë. Ose nënshtrim, ose stigmatizim. Rrugë tjetër nuk ka në mendësinë e tyre”, ka shkruar ajo.
Numri dy i PDK-së iu referua deklaratës së djeshme nga ministrja e Drejtësisë, Albulena Haxhiu, e cila kritikoi kandidatin për Kryeprokuror të Shtetit, Blerim Isufaj. Përcjellë Gazeta Papirus.
