Diplomatët e Shteteve të Bashkuara nuk po ndihen të sigurt me situatën e koronavirusit në Prishtinë.
Kjo bëhet e ditur në një kabllogram të nënshkruar nga ambasadori i SHBA-ve në Kosovë, Philip Kosnett, e për të cilin detaje ka dhënë gazetarja e “Politico”, Nahal Toosi, shkruan lajmi.net.
Ajo në disa shkrime në Twitter ka cituar kabllogramin ku thuhet se “ambasada e SHBA-ve në Prishtinë po i afrohet pikës së thyerjes”.
Në të përmendet edhe ndotja e madhe e ajrit.
“Kabllogrami i nënshkruar nga ambasadori amerikan Philip Kosnett, tha se ambasada në Prishtinë, Kosovë, “po i afrohet pikës së thyerjes”. Edhe para Covid-19, Kosova ishte në një situatë të vështirë me ndotje të ajrit”, thuhet në njërin prej postimeve të Toosi.
Kabllogrami majde e adreson edhe çështjen e qenve endacak, që shihen si rrezik shumë serioz në kryeqytet.
“Prishtina madje ka “pako të kudondodhura të qenve endacakë” që mund të jenë “agresive kur gjuajnë për ushqim”.. Për këto dhe arsye të tjera, punonjësit e ambasadave kanë qenë kryesisht të bllokuar brenda shtëpisë mes krizës Covid-19”, thuhet tutje në kabllogram sipas gazetar Toosi.
“Ambasada është me një staf të shkurtuar, kështu që stafi po merret me më shumë se pjesën e tyre të zakonshme të detyrave, ndërsa ekuilibri punë-jetë është zhdukur. “Kjo po ka një ndikim të rëndë negativ në shëndetin tim,” tha një punonjës në një sondazh të përshkruar nga kabllogrami”, thuhet tutje aty.
Madje, në kabllogram sipas gazetares në fjalë thuhet se edhe konfliktet mes stafit janë më të shpeshtuara.
“Punë me orë më të gjata (janë 5 orë pas ndërsa e shkruaj sepse jam akoma duke punuar), sulme ankthi, dhimbje gjoksi, humbje të gjumit. Diçka duhet të japë. ” Kabllo shton se “konfliktet ndërpersonale brenda ambasadës janë më të shpeshta”, citohet tutje kabllogrami.
Tutje në këtë kabllogram kritikohet ashpër Kosova për menaxhimin e pandemisë.
Aty thuhet se vendi jonë sillet si një vend i lirë nga COVID-19, por që në të vërtetë është i shkatërruar nga kjo pandemi.
“Kosova sillet si një vend i lirë nga COVID-19… Por Kosova është një vend i shkatërruar nga pandemia… Në SH.B.A., nëse nuk mbani maskë në publik mund të përfundoni në një video virale;në Kosovë ka më shumë të ngjarë të trendit në mediat sociale sepse ke veshur maskë ”
Më shumë detaje mund të lexoni në postimet që ka bërë në Twitter gazetarja Toosi. /Drenica.Live/
