Kryetari i Aleancës për Ardhmërinë e Kosovës, Ramush Haradinaj, ka dënuar sulmin ndaj terroristëve serbë në Banjskë, derisa ka kërkuar që në rezolutën e propozuar të përfshihet edhe bashkësia ndërkombëtare, që sipas tij, do të hetonin terroristët.
“Ajo që ndodhi të dielën ishte sulm terrorist nga një formacion terrorist i sponsorizuar prej Serbisë, ishte mëse e qartë. Por ky sulm e mori përgjigjen më të mirë që kishte mundur ta merrte. Policia e Kosovës i mposhti. U vërtetuan se asnjëherë askush s’do të mundet me rreziku Kosovën. Një rezolutë që dënon sulmin është e drejtë. Në këtë rezolutë kërkoj që të përfshihet kërkesa për hetim ndërkombëtar. Do të ndihmonte bashkësinë ndërkombëtare të ndëshkoj terroristët”, tha Haradinaj.
“Kjo përballje, kjo fitore, e ka edhe sakrificën e vet. Rreshteri i Kosovës, Afrim Bunjaku, është heroi më i ri i Kosovës. Të gjithë janë heronj. Pse Serbia veproi kështu?. Besoj që duhet të kthehemi në kohë. Serbia i ka armatosur terroristët, dhe i ka dërgu në Kosovë për jostabizilim, për të mbajtur status-quo. Sepse është interes i Serbisë dhe Rusisë vonesa e jostabilitetit. Sepse po të implemetohej marrëveshja e arritur, Kosova do të kishte të nënshkruar partneritetin për paqe. Ju kam thënë të gjithëve merruni vesh me Washingtonin për marrëveshjen me Serbinë, por Kurti iku prej tij dhe zgjodhi Borrellin dhe Lajçakun”, u shpreh Haradinaj.
Haradinaj, në fjalën e tij në Kuvendin e Kosovës ka kërkuar që Kosova të bashkëpunoj më shumë me SHBA-në.
“Pse ata dy (Borrell-Lajçak) e jo Washingtioni. Është me rëndësi kjo pyetje të shtrohet në Kuvend. Po të kishin zgjedhur 2 vjet më herët Kurti e Konjufca, Washingtonin, sot do të kishim marrëveshje dhe nuk do të kishim përballje me terroristët”, përfundoi Haradinaj.
